Bull’s-Eye Bonsmaras het dit ten doel om die voortreflike genetika ingeburger in die kudde verder uit te bou deur teling van diere wat selfs die uitdagende omstandighede van die Kalahari kan trotseer. Ons omgewing word geklassifiseer as semi-woestyn en het derhalwe ʼn klimaat van uiterstes. In die somer maande moet ons diere oorleef in temperature wat gereeld 40°C oorskry en in die winter, ysige wintersnagte onder vriespunt (tot -10°C) verduur. Grondtemperature kan gedurende die somermaande tot 70°C styg. Die natuurlike omstandighede waarin ons diere moet produseer dien opsigself ook as ʼn seleksie hulpmiddel, aangesien die klimaat en terrein baie gou enige swakhede van enige aard uitwys.